मनोरंजन

आज मराठी सिनेमाचा अजातशत्रू म्हणून ओळखला जाणारा नाना पाटेकर आपला वाढदिवस साजरा करत आहे. आपल्या खंबीर अभिनयाने आणि वास्तववादी भूमिकांनी त्यांनी मराठीसह हिंदी सिनेमात एक वेगळी छाप उमटवली आहे.

नाना पाटेकर: मराठी सिनेमाचा अजातशत्रू

नाना पाटेकर यांचा जन्म 1 जानेवारी 1951 रोजी, मुरुड जंजिरा इथे झाला, हे गाव मुंबई जवळ आहे. एका मध्यमवर्गीय कुटुंबात जन्मलेल्या नानांच्या वडिलांना तमाशा बघायला खूप आवडायचं. त्यांचे वडील त्यांना बघायला सोबत न्यायचे, आणि तेव्हापासून त्यांना नाटक बघण्याची आवड निर्माण झाली. नंतर ते शाळेच्या नाटकामध्ये काम करू लागले, काही दिवसांपुर्वी आमिर खान सोबत, चर्चेत त्यांनी सर्वांना सांगितलं. आमिर खान यांनी पण त्यांची खूप स्तुती केली, त्यांच्या कठोर परिश्रमातून ही यशस्वी कारकीर्द घडवून काढली. त्यांनी अनेक मराठी आणि हिंदी चित्रपटांमध्ये काम केल असून प्रत्येक भूमिकेत त्यांनी आपल्या अभिनयाची छाप उमटवली आहे. आज नाना पाटेकर ७४ वर्षाचे झाले व बॉलीवूड मध्ये आजही ते कार्यरत आहे.

नाना पाटेकरांनी आज गाठला वय ७४, आजही ते फिट व स्ट्रॉन्ग आहे. त्यांची नवीन सिनेमा “अपनेही देते है अपनोको वनवास” सिनेमाघरात २० डिसेंबर पासून उपलब्ध आहे.

मध्यंतरी त्यांना अनिल कपूर यांनी विचारले कि तुम्ही कसेकाय डायलॉग डिलिव्हरी करता? तेव्हा त्यांनी सांगितलं व त्यांचे बरेच कलाकारांना सांगणं आहे कि स्क्रिप्ट वाचून-वाचून मनात एवढी आत्मसात करा कि ती झोपता, उठता, बसता तुम्हाला डायरेक्टरन जर विचारलं तर २० वर्षानं पण ते लक्षात राहिल पाहिजे. नाना पाटेकर यांनी आपल्या अभिनयाच्या जोरावर अनेक पुरस्कार पटकावले आहेत. राष्ट्रीय फिल्म पुरस्कार, फिल्मफेअर पुरस्कार यासारखे प्रतिष्ठित पुरस्कार त्यांना मिळाले आहेत. त्यांच्या अभिनयाचे कौतुक देशभरातच नव्हे तर परदेशातही केले जाते.

नाना पाटेकर हे केवळ अभिनेते म्हणूनच नाही तर दिग्दर्शक आणि निर्माता म्हणूनही प्रसिद्ध आहेत. त्यांनी काही चित्रपट दिग्दर्शित आणि निर्मित केले आहेत. त्यांच्या प्रत्येक चित्रपटाची प्रेक्षकांनी उत्सुकतेने वाट पाहिली जाते. नाना पाटेकर यांच्या चित्रपटांमधील संवाद आजही प्रेक्षकांच्या ओठांवर असतात. त्यांच्या भूमिकांमधील वास्तववाद आणि खंबीरपणा हीच त्यांची ओळख आहे. त्यातला एक म्हणजे ‘एक मच्छर आदमीको हिजडा बाना देता है‘ असे बरेच त्यांचे डायलॉग लाखों चाहत्यांच्या ओठांवर येते. नाना पाटेकर यांच्या व्यक्तिमत्त्वाची एक खास गोष्ट म्हणजे त्यांची सामाजिक जागरूकता.

नाना अनेक सामाजिक कार्यात सक्रिय सहभागी असतात. नाना पाटेकर हे मराठी सिनेमाचे खरे दिव्य. त्यांच्या जन्मदिवसाच्या निमित्ताने त्यांना हार्दिक शुभेच्छा! त्यांचे दीर्घ आयुष्य होवो, हीच प्रार्थना. मला त्यांचे बरेच सिनेमा आवडते, त्यातले काही शक्ती ज्यामध्ये करिना कपूर आहे, शारुख खान आहे, ज्यामध्ये त्यांनी एका जालीम सासऱ्याची भूमिका निभावली. परिंदा मधल काम तर अख्या जगाला माहित आहे. आणि हो, नटसम्राट तर काही बोलायचं कामच नाही. तुमचा कोणता सिनेमा फेवरेट आहे ज्यात नानांनी काम केल, कंमेंट मध्ये नक्की कळवा.

सध्या बीडच्या मस्साजोगमधील सरपंच संतोष देशमुख हत्या प्रकरणामुळे राजकीय वर्तुळात मोठी खळबळ उडाली आहे. या प्रकरणावरून भाजप आमदार सुरेश धस यांनी अभिनेत्री प्राजक्ता माळीचं नाव घेतलेलं वक्तव्य चर्चेत आलं. या वक्तव्यावर प्राजक्ता माळीने मुंबईत पत्रकार परिषद घेऊन कडाडून उत्तर दिलं. प्राजक्ताने सांगितलं की, राजकारणासाठी महिला कलाकारांच्या नावाचा गैरवापर करणं हे अतिशय लाजीरवाणं आहे.

प्राजक्ता माळीने या संदर्भात महिला आयोगात तक्रार दाखल केली असून, तिने सुरेश धस यांची जाहीर माफी मागण्याची मागणी केली आहे. पत्रकार परिषदेत तिने म्हटलं, “मी शांत होते, याचा अर्थ माझी मूकसंमती नव्हती. राजकीय स्वार्थासाठी कलाकारांना ओढणं थांबलं पाहिजे.”

‘फुलवंती’ या सुपरहिट चित्रपटात मुख्य भूमिका साकारलेल्या प्राजक्ताला मनोरंजन विश्वातील अनेक कलाकारांनी पाठिंबा दर्शविला आहे. गश्मीर महाजनीनेही या प्रकरणावर प्रतिक्रिया दिली. इन्स्टाग्रामवर ‘आस्क मी एनिथिंग’ सेशनदरम्यान चाहत्याने त्याला विचारलं, “प्राजक्ताच्या समर्थनार्थ तू काय बोलशील?” यावर गश्मीरने सांगितलं, “प्राजक्ता खंबीर, स्वतंत्र, आणि सशक्त स्त्री आहे. मी तिचा खूप आदर करतो.”

गश्मीरने ‘फुलवंती’ चित्रपटात शास्त्री बुवाची भूमिका साकारली होती. हा चित्रपट प्राजक्ताने स्वतः निर्मित केला होता. प्राजक्ता माळीला सचिन गोस्वामी, सुशांत शेलार, विशाखा सुभेदार, कुशल बद्रिके, आणि पृथ्वीक प्रताप यांसारख्या अनेक कलाकारांनीही पाठिंबा दिला आहे.

प्राजक्ता म्हणाली, “सुरेश धस यांनी जी टिप्पणी केली, ती वैयक्तिक स्वार्थासाठी होती. एखाद्या फोटोच्या आधारे असे आरोप करणे चुकीचे आहे.” तिने आपले अनुभव सांगत म्हणाले की, “महिला कलाकारांना सतत अशा प्रकारच्या परिस्थितींना सामोरे जावे लागते.”

बीडमध्ये सुरु असलेल्या सरपंच हत्या प्रकरणाचा तपास अजूनही सुरु आहे. यादरम्यान सुरेश धस यांनी केलेल्या वक्तव्यामुळे वाद निर्माण झाला आहे. प्राजक्ता माळीच्या पत्रकार परिषदेनंतर मनोरंजन विश्वात तिच्या बाजूने एकजूट दिसून येत आहे. ट्विटरवर #boycottprajakta नावाचा डंका, सगळे मराठी बांधव ट्विट करत संगतफिरले.

प्राजक्ता माळीने राजकारणातील पुरुषप्रधान मानसिकतेला आव्हान देत तिचा आवाज उठवला आहे. कलाकारांवर होणाऱ्या अन्यायाला थांबवण्यासाठी तिचं पाऊल प्रेरणादायी आहे.

“Baby John (बेबी जॉन)” चित्रपटाचा दक्षिणी मसाला अनुभव, वरुण धवनचा “बेबी जॉन” हा चित्रपट दक्षिण भारतीय शैलीच्या प्रेरणेतून तयार झालेला आहे. ही एक उत्तम मसाला फिल्म असून ती उत्तम अभिनय, कारुण्यपूर्ण कथा आणि ऍक्शनने भरलेली आहे. ख्रिसमसच्या पार्श्वभूमीवर सादर केलेला हा चित्रपट केरळच्या निसर्गरम्य पाणथळीत घडतो आणि उत्तरेकडील प्रेक्षकांनाही आकर्षित करण्याचा प्रयत्न करतो. कालीस दिग्दर्शित आणि ऍटली प्रस्तुत, या चित्रपटात वरुणच्या अभिनय क्षमतेचे नवे पैलू पाहायला मिळतात.

Baby John Review: बेबी जॉन वरुण धवनचा दक्षिणी मसाला प्रवास, चला समोर वाचूया

हा उत्तर-दक्षिण सिनेमाची मिश्रण शैली आहे. चित्रपट कालीस यांनी दिग्दर्शित केला असून तो २०१६ च्या “थेरी” या तमिळ चित्रपटावर आधारित आहे. “थेरी” ने विजयच्या स्टारडममुळे यश मिळवले असले तरी “Baby John” मध्ये त्याच कथानकाचा पुन्हा वापर केल्यामुळे ते जुनाट वाटते. २०२४ पर्यंत असे ट्विस्ट्स प्रेक्षकांना ओळखीचे वाटतात आणि त्याचा प्रभाव कमी पाहायला वाटतो.

स्त्रियांच्या भूमिकांवर मात्र मोठ्या प्रमाणात टीका केली जाते. कीर्ती सुरेश आणि वामीका गब्बी यांसारख्या प्रतिभावान अभिनेत्रींच्या पात्रांना केवळ नायकाला उंचावण्यासाठीच वापरण्यात आले आहे. याउलट, राजपाल यादवचा साईडकिक “राम सेवक” पात्र अधिक महत्त्वाचे वाटते. वरुण धवनने साकारलेला सत्य वर्मा हा पोलीस अधिकारी सुरुवातीला सुधारणा आणि शांतीच्या प्रयत्नांवर भर देतो. मात्र, जेव्हा बब्बर शेर (जॅकी श्रॉफ) कथेमध्ये प्रवेश करतो, तेव्हा सत्य एका सतर्कतावादीची भूमिका घेतो. हे संक्रमण कथेचा मुख्य भाग ठरते, कथेमध्ये लोकांची रुची वाढते.

भडक ऍक्शन आणि नाट्यपूर्ण सादरीकरण, कालीस यांनी ऍक्शन दृश्यांवर भर दिला आहे, ज्यामुळे काही काळ चित्रपट रक्तरंजित वाटतो. मात्र, या ऍक्शन दृश्यांमुळे कथेतील भावनात्मक भाग झाकोळला जातो, यात पण तोच प्रकार आहे.

थमनच्या पार्श्वसंगीताने ऍक्शन दृश्‍यांना जोरदार बनवले आहे, पण कथेतील संवाद आणि भावनिक क्षण विसरून जातात. काही विनोदी क्षण जडशिर सादरीकरणामुळे प्रभावी ठरत नाहीत. बालकलाकारांचा भावनिक वापर, झारा ज्यान्ना यांसारखे बालकलाकार चित्रपटाच्या सुरुवातीला चांगले काम करतात, पण नंतर त्यांचे पात्र केवळ सूडभावना दाखवण्यासाठी वापरले जाते. जॅकी श्रॉफ यांची खलनायकी छाप, जॅकी श्रॉफने साकारलेला बब्बर शेर हा खलनायक चित्रपटातील सर्वाधिक लक्षवेधी ठरतो. त्यांचा “लेग-ऑन-चेअर” पोझ आणि प्रभावी संवाद चित्रपटाला वेगळा आयाम देतात.

“बेबी जॉन” हा मनोरंजनासाठी चांगला प्रयत्न असला तरी जुनाट कथानक, भडक ऍक्शन, आणि समाजाच्या विरोधाभासी संदेशांमुळे अपेक्षेप्रमाणे प्रभावी ठरत नाही. वरुण धवनचा प्रामाणिक प्रयत्न आणि जॅकी श्रॉफची उग्र भूमिका या चित्रपटाचे ठळक वैशिष्ट्य आहे, पण संपूर्ण अनुभव अधूरा वाटतो. वरुण धवनच्या दक्षिणी शैलीतील पहिल्या प्रयत्नाला प्रेक्षकांची पसंती मिळेल का, की हा चित्रपट बॉलिवूडच्या क्रॉस-कल्चरल चित्रपटांसाठी संघर्ष दर्शवतो, हे पाहणे औत्सुक्याचे ठरेल.

मुंबई, दि. २३: भारतीय चित्रपट सृष्टीत वास्तववादी निर्मितीचे पायाभूत कार्य करणारे ज्येष्ठ दिग्दर्शक श्याम बेनेगल यांना मुख्यमंत्री देवेंद्र फडणवीस नवे तर अनेक सिनेमा जगतांनी आदरांजली अर्पण केली आहे. आपल्या शोकसंदेशात फडणवीस, मोठमोठ्या कलाकारांनी तसेच राजकारणिलोकांनी बेनेगल यांचे भारतीय चित्रपटसृष्टीत केलेले योगदान अजरामर राहील, असे मत व्यक्त केले.

कलाकार रणदीप हुडा म्हणाले: तो #श्यामबेनेगल कदाचित निघून गेला असेल पण तो त्याच्या अविस्मरणीय चित्रपटांद्वारे जगेल.. त्याने त्याच्या सिनेमाद्वारे माझ्यासह अनेक जीवनांना प्रेरणा दिली.. दुर्दैवाने त्याच्यासोबत दोन वेळा काम करणे चुकले.. नेहमी दयाळू, मृदू बोलणारा आणि विचारशील.. तो त्यांना जे आवडते ते शेवटपर्यंत करत राहिलो, आम्हाला पुन्हा प्रेरणा देत राहिलो.. धन्यवाद बेनेगल साब.

वास्तववादी चित्रपट निर्मितीचे पितामह: श्रद्धांजली श्याम बेनेगल यांना

श्याम बेनेगल यांनी चित्रपट माध्यमाच्या सामर्थ्याला ओळखून भारतीय चित्रपटांना नवा आयाम दिला. त्यांच्या वास्तववादी चित्रपट निर्मितीने केवळ राष्ट्रीयच नव्हे तर आंतरराष्ट्रीय स्तरावरही भारतीय चित्रपटसृष्टीला ओळख मिळवून दिली. कर्नाटकातील कोकणी कुटुंबातून आलेल्या बेनेगल यांनी वयाच्या बाराव्या वर्षी चित्रपट निर्मितीला सुरुवात केली होती. वडिलांनी भेट दिलेला कॅमेरा त्यांच्या जीवनाचा आधारस्तंभ ठरला.

“अंकुर,” “मंथन,” “मंडी,” आणि “जुनून” या त्यांच्या चित्रपटांनी समांतर चित्रपट चळवळीला भक्कम पाया दिला. त्यांच्या चित्रपटांमधून सर्वसामान्यांच्या आयुष्याचा वेध घेतला गेला, ज्यामुळे ते चित्रपट सृष्टीतील नव्या युगाचे जनक ठरले. जाहिरातपट व माहितीपट निर्मितीतही त्यांनी आपली अमिट छाप सोडली.

बेनेगल यांची दिग्दर्शनशैली सहज आणि तरीही प्रखर होती. त्यांनी चित्रपट सृष्टीत अनेक नवे कलाकार तयार केले आणि त्यांना घडवले. त्यांच्या चित्रपटांमधून पात्रांच्या जगण्याचे वास्तव जिवंत झाले. त्यांच्या शैलीचा अभ्यास आजही अनेक चित्रपट प्रेमी व अभ्यासक करत आहेत. समांतर चित्रपटांची चळवळ अधिक बळकट करण्यासाठी त्यांनी आपला मोठा वाटा उचलला. त्यांच्या कलाकृतींनी भारतीय चित्रपटांना आधुनिकतेकडे नेले. त्यांच्या चित्रपटांमधील सादरीकरण नेहमीच वैशिष्ट्यपूर्ण राहिले.

श्याम बेनेगल यांच्या निधनाने चित्रपट सृष्टीला मोठा धक्का बसला आहे. त्यांच्या जाण्याने एक मार्गदर्शक व्यक्तिमत्त्व काळाच्या पडद्याआड गेले आहे. ही हानी कधीही भरून येणार नाही. त्यांच्या चित्रपट निर्मितीच्या शैलीचा भारतीय चित्रपटसृष्टीत कायम आदर केला जाईल. मुख्यमंत्री देवेंद्र फडणवीस यांनी त्यांच्या निधनाबद्दल दुःख व्यक्त केले आहे. त्यांच्या आत्म्यास ईश्वरचरणी सद्गती लाभो आणि त्यांच्या कुटुंबीयांना या दुःखातून सावरण्याचे बळ मिळो, अशी प्रार्थना त्यांनी केली.

भारतीय चित्रपटसृष्टीत समांतर चित्रपट निर्मितीचे पर्व आणणाऱ्या श्याम बेनेगल यांचे योगदान अजरामर राहील. त्यांच्या कलाकृती सृष्टीला प्रेरणा देत राहतील.

सुप्रसिद्ध अभिनेता अल्लू अर्जुनने नुकतीच श्री तेजच्या प्रकृतीसाठी एक भावनिक पोस्ट लिहिली आहे. अपघातानंतर श्री तेज सतत वैद्यकीय निगराणीखाली आहे, अशी माहिती त्यांनी दिली. या घटनेमुळे अल्लू अर्जुनने आपल्या भावना व्यक्त केल्या आहेत.

अल्लू अर्जुनने श्री तेजसाठी लिहिली भावनिक पोस्ट

अल्लू अर्जुनने सांगितले की, “या घटनेनंतर चालू असलेल्या कायदेशीर प्रक्रियेचा सन्मान ठेवून, मला सल्ला देण्यात आला आहे की सध्या श्री तेज आणि त्यांच्या कुटुंबाला भेट देऊ नये.” त्यांनी हा निर्णय नाइलाजाने घेतला असल्याचेही म्हटले आहे.

अभिनेता आपल्या पोस्टमध्ये म्हणतो, “माझ्या प्रार्थना त्यांच्यासोबत आहेत, आणि मी श्री तेजच्या वैद्यकीय उपचारांबरोबरच त्यांच्या कुटुंबाच्या गरजांची जबाबदारी घेत आहे.” अशा कठीण प्रसंगी त्यांनी त्यांच्या पाठिशी उभे राहण्याचे आश्वासन दिले आहे.

अल्लू अर्जुनने श्री तेजला लवकर बरे होण्यासाठी शुभेच्छा दिल्या. “मी त्याला आणि त्याच्या कुटुंबाला भेटण्याची आतुरतेने वाट पाहत आहे,” असेही त्यांनी आपल्या पोस्टमध्ये नमूद केले. त्यांची ही भावनिक पोस्ट चाहत्यांच्या हृदयाला भिडणारी ठरली आहे.

ते पुढे म्हणाले की, “सध्या मला त्यांच्या कुटुंबाच्या मदतीसाठी शक्य ते सर्व करण्याचा मानस आहे. ही जबाबदारी निभावण्यासाठी मी पूर्णपणे कटिबद्ध आहे.” त्यांनी श्री तेजच्या लवकर बरे होण्यासाठी प्रार्थना करताना आशावाद व्यक्त केला.

अल्लू अर्जुनचा हा संवेदनशील आणि भावनिक संदेश अनेकांना प्रेरणादायक वाटला आहे. त्यांच्या जबाबदारीची भावना आणि समर्थनाने चाहत्यांमध्ये त्यांच्याविषयी आदर वाढला आहे. हल्ली पुष्प २ सिनेमाने तब्बल १ हजार कोटीचा धंदा पहिल्याच आठवड्यात केला.

सुपरस्टार रजनीकांत यांनी आपल्या ७४ व्या वर्षात पदार्पण केले असून, ट्विटरवर त्यांच्या चाहत्यांकडून शुभेच्छांचा वर्षाव होत आहे. अभिनय, शैली आणि करिष्माने त्यांनी अनेक पिढ्यांना प्रेरित केले आहे. त्यांच्या वाढदिवसानिमित्त प्रसिद्ध व्यक्तींनीही खास संदेश दिले आहेत.

रजनीकांतच्या वाढदिवसानिमित्त शुभेच्छांचा वर्षाव | आज सुपरस्टार रजनीकांत वयाच्या ७४ व्या वर्षात

दिग्दर्शक नेल्सन दिलीपकुमार यांनी रजनीकांत यांना वाढदिवसाच्या शुभेच्छा देताना त्यांना प्रेरणास्त्रोत म्हणून संबोधले. त्यांच्या संदेशात लिहिले होते, “हॅप्पी बर्थडे सुपरस्टार थलायवा! @rajinikanth सर, तुम्ही आम्हा सर्वांसाठी एक प्रेरणा आहात.” अभिनेता थलापती विजय यांनी त्यांच्या पक्षाच्या एक्स अकाऊंटवरून शुभेच्छा देत, “आदरणीय सुपरस्टार रजनीकांत सरांना वाढदिवसाच्या हार्दिक शुभेच्छा. परमेश्वर तुम्हाला चांगले आरोग्य आणि दीर्घायुष्य देवो,” असा संदेश दिला.

दिग्दर्शक कार्तिक सुब्बाराज यांनीही आपल्या शब्दांत भावना व्यक्त केल्या, “हॅप्पी बर्थडे थलायवा!” असे त्यांनी ट्विट केले. तमिळनाडूचे मुख्यमंत्री एम. के. स्टालिन यांनी रजनीकांत यांना “माझा प्रिय मित्र” असे संबोधून खास संदेश दिला. “तुमच्या अभिनयाने आणि शैलीने सहा ते साठ वयोगटातील सर्वांना चाहती बनवले आहे. तुमच्या यशाचा प्रवास असाच चालू राहो, शांती, आनंद आणि लोकप्रियता लाभो,” असे त्यांनी नमूद केले. अभिनेता एस. जे. सूर्या यांनी रजनीकांत यांना शुभेच्छा देताना लिहिले, “सुपरस्टार रजनीकांत सरांना वाढदिवसाच्या शुभेच्छा. तुमचा प्रत्येक वर्ष आनंदमय जावो. मी तुमचा नेहमीचा चाहता आहे!” महानायक कमल हासन यांनी रजनीकांत यांना “प्रिय मित्र” म्हणत त्यांच्या दीर्घायुष्य व आनंदासाठी शुभेच्छा दिल्या. “तुमचा यशाचा प्रवास अधिकाधिक गगनाला भिडो. तुम्हाला आरोग्य व समाधान मिळो,” असे त्यांनी लिहिले.

रजनीकांत यांच्या वाढदिवसानिमित्त चाहत्यांचा व त्यांच्या सहकाऱ्यांचा प्रेमळ प्रतिसाद पाहता, त्यांनी त्यांच्या कारकिर्दीत किती खोल प्रभाव टाकला आहे हे स्पष्ट होते. अभिनय, शैली व मानवी मूल्यांच्या आधारे त्यांनी जगभरात आपले स्थान निर्माण केले आहे. त्यांच्या पुढील प्रवासासाठी त्यांना भरभरून शुभेच्छा!