भारतीय बुद्धिबळविश्वात आज ऐतिहासिक दिवस ठरला आहे. अवघ्या १८व्या वर्षी भारतीय बुद्धिबळपटू डी गुकेशने जगज्जेता डिंग लिरेनचा पराभव करत विश्वविजेतेपदावर आपले नाव कोरले आहे. त्यांच्या या कामगिरीमुळे संपूर्ण देशाला अभिमानाचा क्षण मिळाला आहे.
डी गुकेशची ही कामगिरी केवळ त्याच्याच नव्हे तर भारताच्या बुद्धिबळ चळवळीच्या इतिहासातील सुवर्णक्षण ठरली आहे. त्यांच्या मेहनतीमुळे आणि चिकाटीमुळे त्यांनी केवळ स्वतःसाठीच नाही, तर भारतासाठीही एक ऐतिहासिक परंपरा सुरू केली आहे.
मनसेचे अभिनंदन | भारताच्या बुद्धिबळ परंपरेचा नवा अध्याय
डी गुकेश, त्यांचे प्रशिक्षक आणि कुटुंबीय यांचे महाराष्ट्र नवनिर्माण सेनेने मनःपूर्वक अभिनंदन केले आहे. मनसेने आपल्या संदेशात म्हटले आहे की, “कला, विज्ञान, आणि खेळ यांचा अद्वितीय संगम असलेला बुद्धिबळाचा खेळ भारतात, विशेषतः महाराष्ट्रात वृद्धिंगत होईल आणि हिंदुस्थानात जगजेत्यांची मोठी परंपरा निर्माण होईल, अशी आमची इच्छा आहे.”
डी गुकेशच्या या विजयाने भारतातील बुद्धिबळ खेळाचा दर्जा वाढला आहे. वयाच्या १८व्या वर्षी एवढ्या मोठ्या कामगिरीने त्यांनी जगभरातील बुद्धिबळ रसिकांचे लक्ष वेधून घेतले आहे. डिंग लिरेनसारख्या दिग्गज खेळाडूला पराभूत करून त्यांनी जागतिक पातळीवर आपली क्षमता सिद्ध केली आहे.
डी गुकेशचा हा प्रवास आणि त्याने उभारलेला विक्रम पुढील पिढ्यांसाठी प्रेरणादायी ठरेल, यात शंका नाही. भारतातील बुद्धिबळ खेळाडूंसाठी ही एक नवी दिशा आहे आणि देशासाठी अभिमानास्पद क्षण आहे.
डी गुकेश आणि त्यांच्या चमूचे पुन्हा एकदा हार्दिक अभिनंदन!
